Facebook

Weider op Instagramm

1 week ago

déi jonk gréng

Nuetszich sinn eng praktesch an ëmweltfrëndlech Alternativ zu de Mëttelstreckeflich, an hu fréier och eng grouss Popularitéit genoss. Leider sinn se awer an de leschte Joerzéngte vun der Bildfläch verschwonne well de politesche Wëlle gefeelt huet.

Fir dëst réckgängeg ze maachen, ënnerstëtze mir d’Petitioun 1295 vun Back on Track train coalition, déi méi staatlech Ënnerstëtzung fir Nuetszich fuerdert. Als Haaptaktionär kéint de Lëtzebuerger Staat d’CFL dozou beweegen, selwer Nuetszich unzebidden oder aner Zuchgesellschaften dozou z'incitéieren hir bestoend Offer op Lëtzebuerg auszewäiten.

Wann dir des Initiativ ënnerstëtze wëllt, kennt dir d‘Petitioun hei ënnerschreiwen: bit.ly/30kwkkD
...

View on Facebook

2 months ago

déi jonk gréng

Haut geet et em eis Zukunft, fir een Doheem an Europa! 💚🇪🇺🇪🇺🇪🇺💚
D'Wahlbüroe sinn haut vun 8h bis 14h op! 🌈🌻💚🇪🇺🌍🍀
#DoheemAnEuropa #jonkkwielt
...

View on Facebook

2 months ago

déi jonk gréng

Dës Europawahlen si Klimawahlen! 🌍🌻💚
Dofir gëff du dëse Sonnden deng Stëmm:
fir eis Zukunft, fir eise Planéit, fir eist Doheem an Europa! 🇪🇺💚
...

View on Facebook

2 months ago

déi jonk gréng

Jessie Thill: ,,Mäin Europa, en Doheem fir jiddereen.‘‘ 🍀🌻💚🇪🇺

Déi grouss Erausfuerderunge vun eiser Zäit wei de Klimawandel, den Biodiversitéitsverloscht oder d’Stäerkung vun der sozialer Kohäsioun kënne nëmmen duerch eng grenziwwerschreidend Zesummenaarbecht ugaange ginn.

En Thema, dat mir besonnesch um Häerz läit, ass d’Energiewend. Dës kann awer nëmme geléngen, wann d’Europäesch Unioun zur Energieunioun gëtt an déi verschidde Länner enk kooperéiere bei der Energieversuergung, woubäi se bei der Produktioun op hir jeeweileg Stäerkte setze kënnen. Wärend déi baltesch a skandinavesch Länner virun allem Potenzial bei der Wandenergie hunn, erlaabt de mediterrane Klima deene südeuropäesche Länner den Opbau vun enger Energieversuergung baséierend op Solarenergie. D’Visioun vun enger Energieunioun ass also alles aneschters wei eng eidel Floskel mee e konkrete Projet mat vill Potenzial, eis Energieversuergung ze dezentraliséieren an de Klimawandel ze bekämpfen.

D’Europäesch Unioun ass wuel dat beschte Beispill fir e friddlecht Zesummeschaffe vu Länner zum Wuel vun de Mënschen. Fir datt mer eis dësen europäesche Projet net vun Euroskeptiker a Populiste zerriede loosse, musse mer eng gemeinsam europäesch Kultur an Identitéit opbauen. Dofir trieden ech fir en europawäit Wahlrecht ab 16, eng Europäesch Zentral fir politesch Bildung an d’Schafe vun engem ëffentlech-rechtleche Fernsehsender op europäeschem Niveau an. Nëmme wa mir d’EU an hir Meritten méi thematiséieren a vermëttelen, kënne mer erëm méi Leit vun der europäescher Eenegung iwwerzeegen. Projeten wei eng europäesch Kanner- a Jugendgarantie, e gratis Interrailticket fir all Volljäregen an den Ausbau vun Erasmus op Azubien droe besonnesch bei Jonken zu enger proeuropäescher Identitéit bäi, dofir mussen dës zu de Prioritéiten vun der nächster Kommissioun gehéieren.

Ech kandidéieren de 26. Mee fir mäin Deel derzou bäizedroen, dass Europa seng schéinste Joren nach viru sech huet.

➡️Hei e Gastbäitrag vum Jessie zu de jonkgréngen Ideen an der Wichtegkeet vun dëser Europawahl:
bit.ly/JessieJournal
➡️ Forger une véritable identité et une culture européennes.
bit.ly/JessieQuotidien
...

View on Facebook

2 months ago

déi jonk gréng

De Klimawandel ass DÉI grouss Erausfuerderung vun eiser Zäit. D’Schüler*innenprotester aus deene leschte Méint weisen, dass déi jonk Generatioun den Eescht vun der Lag erkannt huet. De Ball läit elo bei de Politiker*inne fir de Klimawandel als global Bedroung duerch eng ambitionéiert Politik ze bekämpfen an d’Hausse vun der Temperatur op 1,5 Grad Celsius ze begrenzen. Dowéinst sinn déi des Europawahlen och Klimawahlen, schliisslech kënne reell Resultater nëmmen duerch eng grenziwwerschreidend Zesummenaarbecht an europäescht Handelen erreecht ginn.

déi jonk gréng fuerderen:
➡️ De massiven Ausbau vun den erneierbaren Energien (Solar, Wand,...) an eng Hausse vun der Energieeffizienz.

➡️ D’Sträiche vun de Subventioune fir fossil an atomar Energieträger.

➡️ D’Erfuerschung vu klimaneutralen Technologië fir datt Europa zum Virreider bei den Innovatioune vu muer gëtt (Elektromobilitéit, Solarfligeren, emissiounsfräi Stolindustrie,...).

➡️ Hei ee klenge Beitrag vum Jessie Thill dozou: bit.ly/JessieLieserbreifKlimaziler
...

View on Facebook

2 months ago

déi jonk gréng

Tanja Duprez: "Fir en Europa vun der Solidaritéit a fir en Europa vun den Häerzer." 💚💚💚

Fir Europa lount et sech, sech anzesetzen! Sief et wann een iwwer d'Landesgrenze fiert fir Kollegen ze besichen, am Ausland studéiert oder en Interrail mécht an nei Kulture kenneléiert: iwwerall kann een erkennen dass Europa méi wéi nëmmen e Friddensprojet ass. An enger Zäit wou Verännerungen ëmmer méi séier kommen, musse mir awer méi wéi jee europäesch denke fir déi grouss Erausfuerderunge vun haut unzegoen.

Ma eleng bei Fridays for Future gesäit een, dass eis Generatioun de Courage huet matzebestëmmen, aner Richtungen anzeschloen a méi wäit ze goen, fir eis Zukunft nei ze gestalten. Fir dass mir, mee och eis Enkelkanner an enger nohalteger, sozialer an enger weltoppener Gesellschaft liewe kënnen ass et dofir wichteg och deene jonke Leit nozelauschteren an si an hirem Engagement ze ënnerstëtzen. De Klimawandel kennt keng Landesgrenzen, an dofir brauche mir eng europäesch Politik déi solidaresch a begeeschterungsfäheg ass!

➡️ Liest hei en Interview mat der Woxx iwwer d‘Erausfuerderungen fir des EU-Wahl:
bit.ly/TanjaWoxx
➡️ Lauschtert hei an de Fyeg Campaign-Song feat. Tanja Duprez eran:
bit.ly/TanjaBeBrave
...

View on Facebook

2 months ago

déi jonk gréng

D’Digitaliséierung huet eis Aart a Weis fir ze kommunizéieren an ze consomméieren duerch déi villfälteg nei Kommunikatiounsaarte scho revolutionéiert a wäert sech och an deene folgende Joren op eist alldeeglecht Liewen auswierken. Besonnesch bei der Consommatioun vun digitaler Konscht (Musik, Filmer,...) huet d’Digitaliséierung eis Gewunnechte verännert. An dem Kontext ass déi rezent gestëmmten EU-Auteursrechtsreform ze verstoen, déi den Usproch huet, d’Auteursrecht un dat digitaalt Zäitalter unzepassen. 🎨🎬🎤🎮🎼📷

déi jonk gréng fuerderen:

➡️Eng Upassung vun der Reform fir dass Uploadfilteren, duerch déi den Internet zenséiert kéint ginn, net méi kënnen agesat ginn.

➡️D’Aféierung vun engem Kulturbäitrag bei der Internetnotzung fir Kreativer a Kënschtler*inne fair ze entlounen.
...

View on Facebook

2 months ago

déi jonk gréng

Europa huet mir Fridden a Fräiheet ginn. Dofir wëll ech eppes zréckginn a mat iech zesummen Europa beweegen! 💚🇪🇺

Eise jonk grénge Spriecher Meris Sehovic a Spëtzekandidat bei déi gréng.
...

View on Facebook

2 months ago

déi jonk gréng

Eise Konsum bedéngt en héije Verbrauch un net erneierbare Ressourcen a féiert zu massivem Offall, dee net recyclabel ass. Dëst dréit zur Klimakris bäi a féiert zu Buedem-, Waasser- a Loftverschmotzung. An Zäiten, wou de Klimawandel ëmmer méi spierbar gëtt a sech eis Mierer an eis Natur ëmmer méi a Mülldeponie verwandelen. ass dësen Zoustand net haltbar. Dofir musse mir ëmsteieren. 🍀🌍♻️

déi jonk gréng fuerderen:

➡️ En europäescht Recht op Reparatur, duerch dat d’Hiersteller vu Produite verflicht ginn, laangfristeg Ersatzdeeler unzebidden a Reparaturuleedungen ze verëffentlechen. Och mussen d’Garantiefristen erweidert an déi geplangten Obsoleszenz bekämpft ginn.

➡️ D’Erfuerschung vu ressourchëschounende Produktiounsweisen a Recyclingverfahren am Sënn vun der Économie circulaire.

➡️ D’Schafe vun Ureizer fir méi eng gemeinschaftlech Notzung vu Gidder (Deelen, Schenken, Tauschen) fir Ressourcen ze schounen an d’Mënschen erëm méi beieneen ze bréngen.
...

View on Facebook

2 months ago

déi jonk gréng

Ons Spriecherin an EU-Kandidatin Jessie Thill ass haut op der Table Ronde am Schengener Lycée mat dobäi🌻💚🍀 ...

View on Facebook

2 months ago

déi jonk gréng

Eist europäescht Doheem stellt d’Mënscherechter, de Fridden, déi sozial Gerechtegkeet an den ökologesche Wandel an de Mëttelpunkt an huet keng Plaz fir Nationalismus, Rassismus an Ofschottung.

déi jonk gréng fuerderen:
➡️ E kloert Bekenntnis zu eisen europäesche Grondwäerter wei Demokratie a Rechtsstaatlechkeet souwéi Wëssenschafts- a Pressefräiheet.
➡️ D’Ausbezuelung vun EU-Gelder u Regierungen ze stoppen, déi d’Grondwäerter mat Féiss trëppelen. Dës Sue solle prioritär u Gemengen a Regioune souwéi d’Zivilgesellschaft aus deene Länner fléissen, wann déi sech z. B. solidaresch mat Geflüchtete weisen.
➡️ D’Schafe vun enger europäescher Agence fir Demokratie, déi alle Memberstaaten Experten zur Verfügung stellt fir sech géint Cyberattacken a Wahlmanipulatioune vu baussen ze wieren.
➡️ D’Schafe vun engem Fong fir verfollegt Wëssenschaftler*innen, fir dass dës hir Tätegkeet an engem aneren EU-Land weiderféiere kënne, wa se politesche Repressiounen ausgesat sinn.
...

View on Facebook

2 months ago

déi jonk gréng

Nuetszich wieren eng flott a praktesch Alternativ zu Fligere fir schlofend an ëmweltbewosst op seng Dramdestinatiounen ze kommen an dobäi nach e Bäitrag zu méi Klimaschutz ze leeschten. 🚅🚆🌍☀️🏖🌄☃️

déi jonk gréng fuerderen:

➡️ Héich Investissementer a grenziwwerschreidend Zuch- a Busverbindunge souwéi Vëlosweeër.

➡️ En europäescht TGVs-Netz, dat all d’Haaptstied matenee verbënnt, och nuets.

➡️ Den Ausbau vum Discover EU-Programm, mat deem Zéngdausende vu Jugendleche op hirem 18. Gebuertsdag en Interrail-Ticket kréien, mam Zil, dass all jonke Mënsch bei senger Volljäregkeet dovunner profitéiere ka fir déi kulturell a landschaftlech Villfalt vun eisem europäeschen Doheem ze entdecken.
...

View on Facebook

2 months ago

déi jonk gréng

Haut ass den Internationalen Dag géint Homo- an Transphobie. Mir si ganz houfreg op déi Efforten, déi Lëtzebuerg an deene leschte Joren duerch d’Aféierung vum Bestietnis a vun der Méiglechkeet, säi Geschlecht selbstbestëmmt ouni medezineschen Attest festzeleeën, gemaach huet. Et bleift awer nach vill ze dinn, besonnesch op europäeschem Plang. 🍀🌻💚🇪🇺🏳️‍🌈

déi jonk gréng fuerderen:

➡️ eng EU-wäit Unerkennung vu gläichgeschlechtleche Partnerschaften a Bestietnisser;
➡️ d’EU-Kommissioun op, hir Verantwortung ze iwwerhuelen fir all déi bestoend Diskriminéierungen, vun deenen LGBTIQA+ Mënschen nach betraff sinn, ofzebauen;
➡️ d’Schafe vun der Méiglechkeet, säin État civil an allen EU-Staaten op eng onkomplizéiert Manéier am Sënn vun der Selbstbestëmmung unzepassen;
➡️ eng oppen Diskussioun iwwer d’Sträichung vum Geschlecht aus der Carte d’identité.
...

View on Facebook

2 months ago

déi jonk gréng

Den 18. Mee fënnt wéi all Joer den Public Viewing // Eurovision Song Contest 2019 statt. An deem Kader organiséieren déi jonk gréng e Public Viewing am Independent Café. Kommt a feiert mat eis déi sproochlech a kulturell Diversitéit vun Europa, déi et an deene verschiddene Länner a Regiounen duerch déi vill Mënschen an hir Hannergrënn an Interessë gëtt. Notzt och des Geleeënheet fir eisem jonke Spëtzekandidat Meris Sehovic an eise jonke Kandidatinne Jessie Thill an Tanja Duprez är Froen ze stellen an op Europa unzestoussen. 🍀🌻💚🇪🇺🏳️‍🌈 ...

View on Facebook

2 months ago

déi jonk gréng

Doheem an Europa - Dat ass den Titel vun eisem jonkgréngen Europamanifest, den eis Ideen fir en ökologescht, soziaalt, feministescht a weltoppent Europa enthält.
Déi europäesch Eenegung ass déi beschten Iddi, déi Europa jee hat. Fir eis steet fest: Ambitionéierte Klimaschutz, ökologesch Landwirtschaft, sozial Gerechtegkeet, Solidaritéit mat Geflüchten an eng fräiheetlech, inklusiv Gesellschaft kann et nëmmen an engem vereenten, grenzelosen Europa vun der ökologescher Verantwortung a vum solidaresche Matenee ginn. Kommt mir kämpfen derfir, déi europäesch Stären erëm zum Liichten ze bréngen. Dann huet Europa seng schéinste Joren nach virun sech. 🍀🌻💚🇪🇺

www.jonkgreng.lu/eu2019-manifest/
...

View on Facebook

2 months ago

déi jonk gréng

Eise Spriecher a grénge Spëtzekandidat Meris Sehovic war dës Woch um RTL an huet erkläert, firwat et besonnesch fir eis Jonker wichteg ass, sech fir den europäesche Projet ze engagéieren 🍀🌻💚

De ganzen Interview kënnt der ënnert folgendem Link fannen:

www.rtl.lu/tele/de-journal-vun-der-tele/v/3162685.html?fbclid=IwAR2n_9npMvdg_MV3GyOeyZbz-e2aBKlBd...
...

View on Facebook

2 months ago

déi jonk gréng

Déi jonk gréng fillen sech iwwerall an Europa Doheem, a fir dass dëst och fir zukünfteg Generatiounen de Fall wäert sinn, muss awer nach esou munches geschéien. Mir wëlle gären doheem sinn an engem oppenen Europa, dat als Virreider am Klimaschutz agéiert, dat seng Déieren a seng Natur schützt, dat sozial a gerecht ass, dat Digitaliséierung a seng Risike seriö hëlt an dat d'Gläichberechtegung vun all Mënsch garantéiert.
Mir wëllen Doheem sinn an engem Europa vun den Häerzer! #Europadag

www.jonkgreng.lu/eu2019

#DoheemAnEuropa #ep2019 #euelections #greenwave #votegreen #EuElections2019 #EU #deigreng
...

View on Facebook

2 months ago

déi jonk gréng

How To : Méi ökologesch duerch den Alldach 🌻

Tipp6: #Menstruation 💃📆

💡Keng Loscht méi op Tamponen a Binden aus Plastik oder anere Materialien, déi een duerno einfach ewech geheit? Et ginn ökologesch Alternativen déi op laang Dauer och vill Sue spueren: Cups a stofte Binden!

#ReegelasskeeLuxus
...

View on Facebook

2 months ago

déi jonk gréng

How To : Méi ökologesch duerch den Alldach 🌻

Tipp5: #Recycled 📗📚📝🌳🌴🌱🍀

💡Am Cours oder um Büro verbrauchs du vill Pabeier? Dann kuck nom Recycling Logo wann’s du de Pabeier keefs, fir sécher ze sinn dass en aus alem Pabeier gemaach ginn as. Am Sënn vun enger effizienter Kreeslafwirtschaft, schount dëst net nëmmen eis Bëscher, mee suergt och fir eng besser Loftqualitéit.
...

View on Facebook

2 months ago

déi jonk gréng

How To : Méi ökologesch duerch den Alldach 🌻

Tipp4: #DoheemAnDerWelt 🚌🚉🛤⛵️🌍☃️🌞⛅️🌈

💡Loscht op Vakanz op der Plage oder an enger hipper Stad? Mat Zuch oder Bus kann ee bequem d’Landschaft genéissen, ma et mécht ee gläichzeiteg eppes fir d’Emwelt, wann een op de Fliger verzicht. Ukomm an der Vakanz gëllt et och do d’Natur an d’Emwelt ze respektéieren a kee Knascht ze hannerloossen.
...

View on Facebook

Weider op Instagramm